Улс төрийн хэлмэгдэгсдийн дурсгалыг хүндэтгэн өнгөрүүллээ. Өнөөдөр Улс төрийн хэлмэгдэгсдийн дурсгалыг хүндэтгэх өдөр тохиож байна. Энэ өдөр бид хэлмэгдэж, эх орон ард түмнийхээ төлөө амь нас, эрх чөлөөгөө золиосолсон эрхэм хүмүүсийн гэгээн дурсгалыг хүндэтгэн дурсдаг билээ. 🇲🇳 Хэнтий аймгийн Бор-Өндөр сумын Иргэдийн Төлөөлөгчдийн Хурал хэлмэгдэгсдийн гэр бүлийнхнийг хүндэтгэн урьж оролцуулан, лам хуврагаар ном уншуулж, хүндэтгэл үзүүллээ. Иргэдийн Төлөөлөгчдийн Хурлын ажлын алба

Бор-Өндөр сумын ИТХ-аас "Олон улсын хүүхдийн эрхийг хамгаалах өдөр"-ийг тохиолдуулан "Мөрөөдлийн өртөө-Хишиг өдөр" арга хэмжээг зохион байгууллаа. Уг арга хэмжээ нь төгсөх ангийн сурагчдыг сонирхож буй мэргэжлийнх нь дагуу холбогдох байгууллагууд дээр ажиллуулж, танилцуулах боломжоор хангах зорилготой юм. Эрүүл мэндийн чиглэлээр суралцах сонирхолтой зургаан сурагч Бор-Өндөр сумын Нэгдсэн эмнэлэг дээр ажиллаж, үйл ажиллагаатай танилцлаа.